لکھنؤ،06/جولائی (ایس او نیوز/ آئی این ایس انڈیا) ایک بڑے ردوبدل کے تحت اتر پردیش حکومت نے سماجی بہبود ڈائریکٹر، وزیر اعلی کے سیکرٹری اور پی ڈبلیو ڈی کے خصوصی سیکرٹری سمیت 30 آئی اے ایس افسران کا تبادلہ کر دیا ہے۔گزشتہ ہفتے سماجی بہبود محکمہ کی طرف سے ریاست میں 17 ایم بی سی کے زمرے کو ایس سی کی فہرست میں شامل کرنے کا حکم جاری کرنے کے بعد افراتفری پیدا ہوگئی تھی۔اس نے ان لوگوں کو لے کر اکھلیش یادوحکومت کے اعلان پر الہ آباد ہائی کورٹ کے 2017 کے عبوری حکم کا حوالہ دیتے ہوئے ایسا کیا۔تاہم اس کے حکم کو بعدمیں مرکزنے غیرقانونی قرار دیا تھا۔ریاستی حکومت کے ذریعہ سڈکو (ریاست تعمیر اور بنیادی ڈھانچے ڈیولپمنٹ کارپوریشن) میں سبکدوش ہونے والے ڈائریکٹر جگدیش پرساد کو ڈائریکٹر کے طور پر بھیجے جانے کے بعد جمعہ کو یہ عہدہ خالی ہو گیا تھا۔دیگر منتقلی میں حکومت نے ڈائریکٹر (معلومات) ششر سنگھ کو خصوصی سیکرٹری اور ثقافت اور ہندی نشریات ڈائریکٹر کے طور پر تعینات کیا۔2000 بیچ کے آئی اے اے ایس اور وزیر اعلی کے سیکرٹری منیش چوہان کو گنا کے سیکشن میں کمشنر کے طور پر بھیجا گیا ہے۔پی ڈبلیو ڈی کے خصوصی سیکرٹری راہل پانڈے کو وارانسی ڈیولپمنٹ اتھارٹی کا نائب صدر بنایا گیا ہے۔ 2003 بیچ کے آئی اے ایس وکاس گوٹھوال کو شہری ترقی سیکرٹری بنایا گیا ہے۔حکومت نے وجے کرن آنند کو بھی ترقی دی جو کنبھ میلہ معاملات کے انچارج رہے۔انہیں خصوصی سیکرٹری (بنیادی تعلیم)، تعلیمی مہم کے ڈائریکٹر اور مڈڈے میل پروگرام کے ڈائریکٹر کی طرح بہت سے محکموں کا چارج ملا۔2009 بیچ کے آئی اے اے ایس آنندکرناٹک سے تعلق رکھتے ہیں۔2014 بیچ کے آئی اے ایس ایشا دہن، اہم ترقیاتی کاموں کے افسر کے طور پر میرٹھ میں عہدہ سنبھالیں گی۔  2005 بیچ کے آئی اے ایس اور مشن ڈائریکٹر، صاف ہندوستان مشن (دیہی) آکاش دیپ کو سیکرٹری کے طور پر محکمہ خزانہ میں لایا گیا ہے۔